親愛的小蕙:
你從3月尾來到我們家，到現在不經不覺已有半年多啦!
初初在貓屋見到你，覺得你好嗲，好得人鍾意。所以考慮了幾天之後，就決定領養你回家。
你回家後，我覺得你好似好唔開心，成日都鬱鬱不歡咁。
後來從義工姐姐口中得知你被主人棄養了兩次，舊主人棄養你係因為你成日瀨屎瀨尿。仲有，就係因為自從女主人結婚懷孕後，就冇人再關心同料理你。聽完佢講之後，我真係覺得你身世好可憐呢! 我好想去好好照顧你，等你可以開心返。
回家個多月後，你已經改了到處瀨屎既習慣，因為媽媽常常幫你清潔砂盤，又轉了你喜愛的貓砂。
但係，之後又開始發覺你到處瀨尿喎! 跟住同你去睇醫生，先知你本身有失禁情況，而唔係想周圍瀨尿既..... 經過幾個月既治療，你失禁既情況真係好了很多呢! 在領養資料上，看到你出生日期係2004年10月1日.....
咁.................明天咪係你5歲生日?!
你仲係一隻 [中國貓] tim。
見到現在的你, 確實係開心0左! 現在，我每了放工回家，你就會喵喵喵咁走過來歡迎我。一抱你上身，你就係咁舔我塊面。
小蕙，很多謝你在這半年裡帶給我們一家無數既歡樂。
以前既主人不懂得去真惜你! 不過，請你放心啦，媽媽會努力去照顧好你! 希望在你未來日子可以在我家生活得快快樂樂 。
中國貓，祝你生日快樂，身體健康!
愛你的小蕙媽上
但願所有貓貓都會有小蕙般幸運遇到好主人
